Eth Pòble
Gessa ei un petit pòble, d'uns 110 abitants, entornejat de bères e nautes montanhes. Se trape en tèrme municipau amassat ath Municipi deth Naut Aran, en an 1968.Forme part deth terçon de Pujòlo.
Se trape ath pè dera carretèra Comarcau C28 enter Arties e Salardú, enes vessants de meddia dera montanha de Corilha, ara dreta deth Garona, e dera montanha de Montromies ara quèrra deth madeish.Se trape a ua nautada de 1233 mètres.
Per eth passen dus arrius era Garona, èish dera Val D'Aran, peth cant quèr, e er arriu Sant Martin peth cant dret.
A desparièrs camins, per a on se pòden hèr bères gessudes a pè e en biciclèta.
Era sua activitat economica deth sector primari a anat desapareishent deuant er aument deth sector terciari, qu'a motivat era sason d' espòrts d'iuèrn Vaqueira-Beret, a on trabalha era màger part dera populacion actiua.
