Era
Legenda
Es pòbles de Pujòlo
Baishèren en processon:
Es uns baishen per hartèra
E es auti per devocion.
Era
Legenda
Conde era legénda qu'era imatge romanica deth Sant Crist arribèc en Salardú en tot pujar per arriu Garona ensús e sense tocar era aigua, a uns quaranta centimètres peth dessús dera madeisha. Era imatge pugèc des de Les sense crotz e passant per toti es pòbles dera Val, s'arturèc en Salardú.
Ua auta legénda mos raconde com se formèc era crotz. Un bèth dia un senhor qu'arribèc en tèrra salardunenca coneishec era istòria deth Crist e s'aufric a hèr era crotz qu'a d'aguest li mancaue; sonque demanèc aliment e un lòc tà dromir. Comencèc eth prumèr dia de Pasca e finalizèc era sua òbra eth darrèr diuendres de Setmana Santa. Era gent deth póble pensèc qu'era òbra ère hèta per un ange e se parlèc tanben de qu'aquera crotz auie un bocin dera crotz ena que moric Nòste-Sénher. Eth reishat que protegís aguesta imatge se pense istoricament que proven des espases e lances qu'es salardunencs aueren quan venceren en ua luta ath Comde de Saint-Girons. Se conde tanben qu'aguesta rèisha provén d'ua promessa d'un viatgèr que demanèc ath Crist eth sòn sauvament quan se trapèc damb un os.
Coma tradicions tipiques, auem era hèira deth pòble que se celèbre eth 7 d'octubre,e ara qu'acudissen es ramaders damb eth bestiar que pendent er ostiu a estat peishent ena montanha.E era processon deth diuendres Sant ena que se trè era imatge deth Sant Crist, e eth dia de Corpus (sonque ges dera glèisa eth San Crist agesti dus dies ar an ).
