ES 7 CRABETES E ET LOUP

 

 

 

Narrador- Guardatz vosati, i auie un còp ua craba qu'auie sèt crabetes.
Viuien en ua petita caseta en bòsc. Un dia era mair craba ce ditz as crabetes:

Mair craba- Vau entà anar cercar èrbes tà minjar; en tot jo siga dehòra non dauritz ad arrés.
En tornar cantarè aguesta cançon e atau saberatz que sò jo:
" Dauritz, dauritz crabetes
pòrti bones popetes,
huec enes pautetes,
lenha enes cornetes.
Dauritz, dauritz crabetes
Se vos platz".

Narrador- Era mair craba se'n va , mès eth lop amagat darrèr dera caseta ac a escotat tot.
Ath cap d'ua estona se'n va deuant dera pòrta e se met a cantar:

Lop- " Dauritz, dauritz crabetes
pòrti bones popetes,
huec enes pautetes,
lenha enes cornetes.
Dauritz, dauritz crabetes
Se vos platz".

Narrador- Mès eth lop a era veuòta fòrça raucosa e es crabetes que l'entenen, canten:
Beee, beee...........
brastèguen es crabetes
Beee, beee............
non te dauriram
Beee, beee..........
non es pas era nòsta mair
Beee, beee..........
Vè-te'n d'aciu.

Crabetes- Tu non ès pas era nòsta mair; non te dauriram pas. Era nòsta mair a ua votz mès doça.
(Gessen dera caseta.)

Narrador- Eth lop, cames valentes, s'escape entara granja des pagesi.

Lop- Ei amics!, quina granja mès polida e dreçada qu'auetz! non n'è pas vist ua auta com aguesta.

Granger- Es vòstes paraules mos vanten fòrça, mès non serà pas que vòs quauquarren?

Lop- Non, non, sonque sò vengut entà hèr-vos ua visita, ja que passave per aciu.

Narrador- Eth lop les pane ua ponuda de ueus e se'n hè un bon hart de lèrms de ueu entà adocir-se era votz. Damb era votz mès fina torne a cantar deuant dera caseta des crabetes:

Lop-
"Dauritz, dauritz, crabetes
pòrti bones popetes,
huec enes pautetes
lenha enes cornetes.
Dauritz, dauritz crabetes
Se vos platz"

Crabetes-
Beee, beee.................
brastèguen es crabetes
Beee, beee.................
ei era nòsta mair
Beee, beee.................
ensenha era pauteta.
Beee, beee.................
Non mos enganharàs pas.

Crabetes- Ara òc qu'ei era nòsta mair! Daurim, daurim, daurim!

Narrador- Criden es crabetes:

Crabetes- Non, non.

Narrador- Ditz era mès petita.

Crabeta- Prumèr ensenha-mos era pauteta peth dejós dera pòrta.

Narrrador- Eth lop passe era pauta peth dejós dera pòrta e es crabetes diden:
Crabetes- Non, non te daurim pas, tu non ès pas era nòsta mair. Era nòsta mair a era pauta blanca e tu l'as nera. ( gessen es crabetes dera caseta)
musica

Narrador- En tot córrer coma ua lèbe eth lop, tot encolerit, se'n va entath horn de pan.

Lop- Bona vrespada pastanèr, vene-me un sac de haria..
Panadèr 1- Qué vòs hèr pescajons/pastères ?
Lop- Non pòrta-me aguest sac de haria o se non vos mingi.
Panadèr 2- Òme, òme, non t'as pas de pujar ath cap deth ceridèr per un sac de haria
Panadèr 1- Tè, tè, empòrta-te-lo'n ( musica)

Narrador- Eth lop cale era pauta laguens deth sac de haria e se'n torne tara caseta ( musica).

Narrador- Tuste ena pòrta: pam, pam, pam, e ce ditz:

Lop- Daauritz que sò era vòsta mair.

Narrador- Es crabetes responen:

Crabetes- Ensenha-mos era pauteta peth dejós dera pòrta.

Narrador- Eth lop passe era pauteta peth dejós dera pòrta .

Crabetes- Òc, òc, que n'ei mama ! daurim, daurim !

Narrador- Criden es crabetes.
Es crabetes daurissen era pòrta e eth lop damb un saut, nhacada ací, nhacada delà, s'empasse ua a ua totes es crabetes; ( s'amaguen) se les minge totes mens era petitonha que quan a vist eth lop en tot hèr un guimbet s'amagat ena caisha deth relòtge.
Eth lop ben hart se'n va tà laguens deth bòsc tot erós
(musica)

Eth lop- Auuuuuu, auuuuuuuu.
idòle eth lop.
Auuuuuu, auuuuuuuu
m'è minjat es crabetes.
Auuuuuu, auuuuuuuu.
sò fòrça content.
Auuuuuu, auuuuuuuu.
sò fòrça content.

Narrador- E ath cant d'un arriu se met a dromir.
Era mair craba arribe contenta tà casa.
Cante:
Beeee, beeeeee
brastègue era mair craba.
Beeee, beeeeee
pòrti minja.
Beeee, beeeeee
tàs mies crabetes.
Beeee, beeeeee
Qué a passat aciu?.

Narrador- Trape era pòrta dubèrta e non ve cap de crabeta.

Mair craba-Hilhetes mies, a on ètz?

Narrador- Ditz fòrça inquiriosa.
Era mès petita repon:

Crabeta- Sò ací mama, ena caisha deth relòtge.

Narrador- Era crabeta petita ges dera caisha en tot plorar, e ce ditz

Crabeta- Ai, mair mia! Eth lop ei arribat e s'a minjat a totes es germanetes.

Narrador- Era mair craba tamb era petita ath costat se'n va entath bòsc tà cercar eth lop. ( musica) Lo trape en tot romflar ath cant der arriu.
Damb un guinhauet plan gran hè un talh en vrente e totes es crabetes gessen en tot cantar e cridar:

Crabetes- Mair, mair, mair!
Ath lop non auem pas pòur,
Ath lop non auem pas pòur,
tran la ra la ra
tran la ra, la,ra.

Narrador- Era mair cale pèires laguens deth vrente deth lop. Cos ben eth talh e s'amague damb totes es crabetes darrèr d'un arbe.
Eth lop se desvelhe.

Lop- Ai! Quin mau de vrente!
Quina set qu'è!

Narrador- Ditz.
Se'n va entar arriu, s' ajoque tà bèuer e eth vrente li pese e " chap",
què en aigua e s'i estofe.
Es crabetes qu'ac ven, gessen dera amagadera, sauten e dancen, criden e canten:

Crabetes- Beeee, beeeeee,
brastèguen es crabetes,
Beeee, beeeeee,
eth lop qu'ei mòrt.
Beeee, beeeeee,
èm fòrça contentes.
Beeee, beeeeee,
eth lop qu'ei mòrt.

Mo'n tornam toti en tren
Tà sauvar-mos d'eth
Mo'n tornam toti en tren,
E es crabetes tanben.

Beeee, beeeeee,
Hèn a saber es crabetes.
Beeee, beeeeee,
En çò nòste j'arribam
Beeee, beeeeee,
Oh polida illusion.
Beeee, beeeeee,
E eth conde que condam
Barre pòrta e hiestron.