ETH PIPÒT DE NHÈU

 

ACTE 1

N1: Hè un pialèr d'ans, en bòsc des flors viuie en una caseta de color blu ath cant d'un petit arriu, qu'en ostiu s'amplie de peishi de colors, un pipòt de nhèu, bondadós, alegre e amic de toti es abitants d'aqueth parçan.

N2: Un dia d'iuèrn quan mancauen pògui dies està Nadau, eth pipòt de nhèu premanie coma cada an es presents entà compartir-les damb es auti abitants deth bòsc, es animaus; audèths, esquiròs, conilhs, isards, osi, bohères,...

N1: Que ben que s'ac passaue! Adornant es paquets damb laci e papèrs de colors,...

N2: e les metie toti endreçats pr'amor que non volie desbrembar-se a cap des sòns amics.

N!: Quan ac auie lèu tot premanit e laguens des sacs, entenec tustar ena pòrta.

Lop: Tòc, tòc !!!

Pipòt: Passatz era pòrta ei duberta...

L: Pipòt de nhèu! Pipòt de nhèu!. Corre, corre, era mair conilha ei fòrça malauta . Es sòns hilhs ploren e eth pair conilh non sap pas que hèr!!
Hè-lèu, ve-te'n a ajudar-la, se te platz !!!

N1: Eth pipòt de nhèu, gessec de casa ara pressada, pugèc ena sua luja , e se n'anèc peth bòsc enquiara casa dera familha des conilhs.

N2: Tan lèu desapareishec dera sua vista, eth lop se metec a daurir e guardar toi es presents damb uns uelhs coma padenes e gatièr didec:

L: Ja, ja, ja,... que pèc qu'ei eth pipòt de nhèu s'ac a creigut tot. Ara ja pogui emportar-me totes es joguines.

N2: ...e comencèc a agarrar toti es presents. Dempús gessec dera casa lèu, en tot tier compde qu'arrés lo vede-se...

N3: En tot, eth pipòt de nhèu dejà auie arribat ena casa des conilhets.

N4: Dauric era pòrta sense tustar e,... se quedèc tot estonat en veir ara familha des conilhets en tot ornar era sua caseta entà hestejar era hèsta de Nadau.

P: Mès, qu'ei açò,... que passe aciu ? Om, Om !! Pensi que m'an enganhat coma un tonto !!!

Pair C: Com va pipòt de nhèu ?

Mair C: Pipòt de nhèu, èm fòrça contenti de vede-te !

Pair C: Mès que te passe que t'as quedat tot estonat en vede-mos ?

P: Eht lop m'a dit qu'era mair conilha ère fòrça malauta , e qu'èretz espantats !

Mair C: Donques j'ac ves tu madeish que non ei pas vertat.

P: Ben segur qu'ei ua badinada........

Mair C: Vòs quedar-te a sopar damb nosati ?

P: Fòrça gràcies mès,...è de tornar rapidament entà casa. Me shomi bèra suspresa. Adiu a toti!

Conilh 1: Adiu pipòt de nhèu!!

Conilh 2: Tié compde peth camin...

Conilh 3: I a fòrça nhèu!!

Conilh 4: Bon Nadau pipòt de nhèu!!

N3: ...E eth pipòt de nhèu , dessús deth trinèu e tan lèu coma podec, se n'anèc entà casa.

N4: En arribar, se trapèc tota era sua casa ueda.

Pipòt: M'ac pensaua! Eth lop m'a panat toti es presents. L'è de trapar . Parlaré damb eth tà que comprenigue que non ac a hèt plan bric ben.

ACTE 2

N3: Eth pipòt gessec un aute viatge entath bòsc.

N4: Aquiu amasèc a toti es animaus amics sòns e...

Pipòt: He! He! Amics mèns!, Vietz vietz!

N3: Eth pipòt de nhèu condèc a toti es animalets çò que li auie passat.

Pipòt: Atau que auem de cercar-lo pertot!

Toti: Auem de cercar ath lop!

N4: E toti amassa organisèren un plan...

N3: Es audereths volauen d'un lòc ar aute. Es esquiròs anèren de branca en branca. Es isards cercauen pera dreta. Es ossi pera quèrra. Es bohères per dejós dera nhèu,...

N4: Toti, toti cercauen ath lop!!

N3: E atau en tot trabalhar amassa, non tardèren pas guaire a trapar ath lop...

Bohèra 1: Arturà-te !!!

Shivau 1: Demora aqiu a on ès!!

Audèth 1: Non te botges ne un pas!!

Isard 1: Ja t'auem !!!

Esquiró 1: Eh! Tu, deisha en tèrra totes es joguines, que non son pas tues !!

Shivau 2: Com pòs èster tan lairon?

P: Ai,ai, ai, lop !! Perque ac as hèt açò ?

Conilh A: Toti èm fòrça enfadats tamb tu...

Os 1: Açò qu'as hèt ei fòrça leig.

L: Jo, jo,... non ac volia pas hèr, mès,...

Esquirò 2: Non ei pas bric bon eth tòn comportament.

Cervi 1: Non sabes qu'auem d'èster boni, sustot ara qu'arribe Nadau?

Isard 2: Auem d'apréner a compartir es causes.

Bohèra 2: Toti volíem éster es tòns amics...

Audèth 2: Ten'as d'empenedir e demanar-mos perdon!

Conilh B: Èm en Nadau, e auem d'éster boni.

Os 2: Non te flocam ua teca pr'amor qu'ei Nadau,...

Cervi 2: Encara que non siguesse Nadau tanpoc te flocaríem, pr'amor qu'ei milhor parlar es causes...

L: Ac senti fòrça amics mèns, ne sò penedit e vos demani perdon. Vos juri que jamès ena vida tornarè a hèr ua causa com aguesta. Sajarè d'éster bon...

P: Ben, te perdonam, mès ja sabes que enquiath dia de Nadau non podaràs jogar tamb es tues joguines...

Mair C: Quan les despariram entà toti!!

Pair C: E quan toti mos estimaram !!!

Toti: Bones Hèstes e Bon Nadau entà toti !!!
Finau