LEGENDA DE SAN MARTIN DE CORILHA
NARRADOR:- Segontes compde era legenda, Sant Martí s`apareishec a un pastoret qu`amiaue eth sòn ramat tara montanha de Corilha , e li ditz :
SANT MARTÍ : Pastoret baisha tat pòble e compdar qu`eth, Sant Martí , se t`a apareishut, e que totis l'an de exortar e lheguar-me ua capèla en sòn haunor.
NARRADOR: Eth pastor baishèc tath pòble entà anunciar era aparicion deth Sant e comunicar ara gent çò que li auie encomanat.
PASTOR: Vesins deth pòble, aué, en tot pastorar es nòstes oelhes se m'a apareishut Sant Martín e m'a dit, que l'auiem d'exortar e lheuar- li ua capèla en sòn aunor. E que se tot açò ac hèm mos protegirà tostemps des tempestes e contra tot mau.
NARRADOR: Era gent non s`ac creiguec pas, e li dideren.
PÒBLE : Pastoret non mos credem pas açò que mos as compdat, s'açò ei vertat que Sant Martín mos dongue ua pròva.
NARRADOR : Eth bon pastoret pugèc un aute còp tara montanha tamb era responsa negatiua deth pòble, e eth pastoret li didec.
PASTORET: Sant Martí, era gent non me crec se tu non les das pas ua pròva.
NARRADOR: Quan eth Sant sapiguec era noticia se maucontentèc fòrça e marquèc es sòns cincs dits dera man dessus d'ua pèira, e despús ena cara deth pastoret .
SANT MARTÍ: Torna-t'en tat pòble e li ensenhes era senhau.
NARRADOR : Quan eth pòble de gessa vedec aquerò creigueren enes paraules deth pastor e aguest madeish dia comencèren a bastir una capèla entath Sant. Actuaument se pòt veir mercadi ena pèira es cinc dits de Sant Martí . E d'alavetz enlà, cada an, eth pòble a hèt eth sòn pelegrinatge entà aunorar eth sòn protector, en tot celebrar missa ena capèla , cantar es gòis, adès, en tot pregar eth rosari tara vrespada.
