Es
Bastisses
Es Bastisses principaus.
Es
Bastisses
ES GLÈISES
St. JOAN.- Se trape en tot pujar de Vielha tà Vaquèira a man quèrra. Ei era unica totaument gotica dera Val, deth sègle XIII-XIV. A ua soleta nau damb tres absides e grani contrafòrts.
Compde damb un campanau octogonau tipicament aranés.
Apartienec ara orde de St. Joan, ereva des Templèrs.
Actuaument ei musèu-sala d´exposicions.
St. MARIA.-Ei era principau. Se bastic en s.XII-XIII, ei de planta basilicau damb tres absides semicirculares.
Ei d´origina romanica e siguec alotjament des Templèrs.
Eth campanau ei fòrça elegant de basa quarraada, damb hièstres de miei punt.
Era pòrta principau a sies arcs, quauqu'un d´eri decorats damb boletes o ben quadrets d´escacs.
Laguens subergés era batiadera per immersion de pèira trabalhada e es magnifiques pintures que trapam en abondància e qualitat que son de 1550 e representen eth Judici Finau, eth cèu e lunfèrn... e quate retaules.Ath cant dera glèisa trapam era casa parroquiau e era Tor de Defensa.
Aguesta bastissa a era declaracion de Ben Culturau
d'interès nacionau.
D'auti bastiments plan importants
ERA TOR DE DEFENSA ei tanben romanica. Ei plaçada deuant dera glèisa. Se trapaue en centre dera vielha plaça d´armes deth castèth des Templèrs e compde damb ua campana que sonaue quan i auie perilh.
ES BANHS.- Arties compde damb dues hònts termaus.Era Grana ges a 43ºC e era de St. Ròc que ges a29ºC.
Aguesti banhs èren utilizats dejà pes romans.
CASA PAULET.-En carrèr Major, ei ua casa grana damb hièstres deth s.XVI plan ornamentades.
CASA PORTOLÀ.- Aguesta casa apertienec as pairs-sénhers de Gaspar de Portolà, descurbidor dera Nauta Califòrnia e prumèr governador d´aguesta.
Era casa compde damb ua tor e ua capèla pròpia der an 1678.
