Era
Legenda
Ena Val tanben trapam fòrça polides legendes
Era
Legenda
Ena Val tanben trapam fòrça polides legendes
Es pastors dera Val
Es pastors dera Val, ne saben fòrça d´istòries d´ossi.Conden es d´Arties qu´un viatge en tot anar peth prat de Loseron ( poirie vier eth nòm de prat der osseron?), damb tota era ramada, les gessec un ossardàs que les panèc ua oelha. Toti gesseren ena sua acaça, mès non lo poderen cuélher. En tornar tara ramada se trapèren damb un companh pastor que de jolhs pregaue un response.Es auti se meteren damb eth, peth hèt que non les aiue ajudat a hèr marchar ar os. Eth pastor les didc, qu´er os auie marchat pr´amor deth response qu´auie pregat. Abantes es pastors dera val sabien responses entà sauvar ara ramada des ossi, des lops, des agles.. Ei daumatge que ja non se´n bremben...
Er os de Saubadies
A principis deth sègle XX non ère pas estonant qu´es ossi mès veterans deth parçan auessen nòm,com aguest ossardàs, qu´ei eth mès famós d´Arties e que des sues costums sabem qu´anaue a minjar anajons en gésser dera ossatèra en Pontet d´Aiguanèra, un barranc qu´ei dessús era centrau electrica d´Arties.Era legenda deth pet der os
Quan er os ges dera iuernacion, cerque bères èrbes entà purgar-se e trèir un tap intestinau que se li a produsit pendent era iuernacion, peth hèt de passar diuèrsi mesi sense defecar. Entà arténher trèir aguest tap, er os díden, qu' a de hèr un gran pet.
Ena Val se didie qu´aguest pet liuraue deth purgatòri es animes des mainatjonhs mòrts sense batiar pendent er an.
