AYÇO ES VIADEYRA
No'l prenatz lo fals marit,
Jana delgada!
No'l prenatz lo fals jurat,
que pes es mal ensenyat,
Yana delgada.
No'l prenatz lo fals marit,
que pes es ez adormit,
Yana delgada.
Que pec es mal ensenyat,
no sia per vos amat,
Yana delgada.
Que pec es ez adormit,
no jaga amb vos el llit,
Jana delgada.
No sia per vos amat,
mes val cel c'avetz privat,
Yana delgada.
No jaga ab vos el lit;
mes vos y valra l'amich,
Yana delgada.